STEAM Azərbaycanın təşkil etdiyi “Yaşıl dünya naminə həmrəylik ili"nə həsr olunmuş yarışın qalibi İsmayıllı olub. Bu haqda ShimalNews 8 iyul tarixində məlumat verir.
“Ecothon 2024” adlanan müsabiqədə təmsilçimiz N.Behdiyev adına 6 nömrəli tam orta məktəbin "Green Eye" komandası 1-ci yerə layiq görülüb.
Ümumilikdə ölkənin müxtəlif regionlarından olan 10-17 yaşlı şagirdlərdən ibarət 41 komanda müsabiqədə iştirak edib. Qalib komandalar STEAM Azərbaycan layihəsi tərəfindən xüsusi hədiyyə və sertifikatlarla təltif ediləcək.
"Green Eye" komandasının üzvləri Osman Həsənli, İsmayıl Həmidov və Ramazan Zeynalov İsmayıllı şəhər N.Behdiyev adına 6 nömrəli məktəbin şagirdləri, komandanın rəhbəri Abbasova Pərvanə Nizami qızı isə məktəbin biologiya müəllimidir.
