İnvestisiya, yatırım adı altında vətəndaşların külli miqdarda vəsaitini ələ keçirən şəxs tutulub. Bu haqda ShimalNews 14 iyun tarixində DİN-in Mətbuat Xidmətinə istinadən məlumat verir.
Rayon Polis Şöbəsinin əməkdaşları tərəfindən keçirilən tədbirlər nəticəsində “Instagram” sosial şəbəkəsində “investa_emine_qazanc” adlı səhifə yaradan 24 yaşlı Cavid Mustafayev saxlanılıb.
O, qazanc əldə etmək adı ilə vətəndaşları aldadaraq ona müraciət edən şəxslərə kiçik yatırımlarla daha çox qazanc əldə etmək kimi heç bir iqtisadi əsasları olmayan şirnikləndirici vədlər verib. Daha sonra balansda olan məbləğin daha da artırılması və rüsumların ödənilməsi kimi qanunsuz tələblərlə zərərçəkənlərdən əlavə pullar alıb. Nəticədə 228 min manat pul və 50 min manat dəyərində qızıl-zinət əşyaları ələ keçirib. Mustafayev tanınmamaq üçün zərərçəkənlərdən qızıl-zinət əşyalarını əvvəlcədən özünün təyin etdiyi yerlərə qoymalarını tələb edib.
Məhkəmənin qərarı ilə ona həbs qətimkan tədbiri seçilib.
Mustafayevin qanunsuz əməllərindən zərər çəkən başqa şəxslər varsa, polisə müraciət edə bilərlər.
