İsmayıllı rayonunda “Ailəm könüllüləri” proqramı çərçivəsində könüllü qəbulu elan edilir. Bu haqda ShimalNews 6 iyul tarixində məlumat verir.
Ailə, Qadın və Uşaq Problemləri üzrə Dövlət Komitəsinin təşkil etdiyi proqramın məqsədi gənclərin potensialından daha səmərəli istifadə edərək, peşə vərdişlərini aşılamaq, təcrübi biliklərini artırmaq, yaradıcı və innovativ potensialın üzə çıxarılmasını dəstəkləmək, cəmiyyətin bütün sahələrində fəal iştirakına şərait yaratmaq və ölkədə könüllülük hərəkatının inkişafına töhfə verməkdir. “Ailəm könüllüləri” proqramında tələblər:
− 16-29 yaşlı;
− Ali təhsilli (hazırda təhsilini davam edənlər də daxil olmaqla);
− İntizamlı;
− Təşkilatçılıq bacarığı olan;
− Kollektivdə işləmək bacarığına sahib;
− Operativ;
− Kompüter və xarici dil bilikləri olan.
Könüllülük fəaliyyətini uğurla başa vuranlar Dövlət Komitəsi tərəfindən sertifikatla təltif olunacaqlar. İştirak etmək istəyən şəxslər 20 iyul tarixinədək qeydiyyatdan keçməlidirlər.
