İsmayıllı rayonunda “Rəhbər heyətin mülki müdafiə məşqi” keçirilib. Bu haqda ShimalNews 24 iyul tarixində məlumat verir.
Təlim Rayon Mərkəzi Xəstəxanasında təşkil edilib. Xəstəxananın baş həkimi Nərgiz Rəhimova, inzibati məsələlər üzrə müavin Vüqar Əlizadə, şöbə müdirləri, böyük tibb bacıları, rabitə və xəbərdarlıq manqasının, yanğınsöndürmə dəstəsinin, ilkin tibbi yardım dəstəsinin, xilasetmə dəstəsinin üzvləri və digər kollektiv üzvləri iştirak ediblər.
Tədbirin əsas məqsədi fövqəladə hadisələrin başvermə səbəbləri, belə halların qarşısının alınması, baş vermiş hadisənin genişlənməsinin qarşısının alınması, hadisə zamanı xilasetmə işlərinin təşkili, nəticələrin aradan qaldırılması ilə bağlı işçi heyətin hazırlığını, praktiki vərdişləri və biliklərini yoxlamaq, müvafiq tövsiyələr verməkdir.
