İsmayıllıda külli miqdarda oğurluqda təqsirləndirilən şəxs barəsindəki qərardan kassasiya şikayəti verilib. Bu haqda ShimalNews 8 iyul tarixində
“Pravda.az”a istinadən məlumat verir.
Sona Abdullayevanın şikayəti hakim Ələsgər Novruzovun sədrliyi ilə Ali Məhkəmədə iyulun 9-da araşdırılacaq.
İttihama görə, qadın qeyri-rəsmi ər-arvad münasibətində yaşadığı zərərçəkmiş S.Qasımovdan ona laqeyd münasibətinə görə qisas almaq üçün pul və qızıl-zinət əşyalarını gizli talamaq, daha sonra isə həmin cinayətin izini itirmək məqsədilə mənzili yandırmaq qərarına gəlib. O, ümumilikdə 209 325 manat dəyərində oğurluq edib.
Şəki Ağır Cinayətlər Məhkəməsinin hökmü ilə o, 5 il 6 ay müddətinə azadlıqdan məhrum edilib.
