İsmayıllı rayonunda Göyçay çayının kənarında təmizlik aksiyası keçirilib. Bu haqda ShimalNews 27 iyul tarixində məlumat verir.
Tədbirdə İsmayıllı Rayon İcra Hakimiyyətinin, 6 saylı Regional Ekologiya və Təbii Sərvətlər İdarəsinin, Şahdağ Milli Parkının, Şirvan Regional Hidrometeorologiya Müəssisəsinin, Qalacıq İƏD üzrə nümayəndəliyinin və bələdiyyənin əməkdaşları, rayon gəncləri iştirak ediblər. Qalacıq kəndində 2 hektar sahədən 420 kq çəkidə bərk məişət tullantıları təmizlənib. Toplanmış tullantılar xüsusi nəqliyyat vasitəsilə poliqona daşınıb.
Aksiyanın məqsədi ölkə ərazisində ətraf mühitin məişət və digər tullantılarla çirkləndirilməsinin qarşısının alınması, insanların ətraf mühitin mühafizəsinə münasibətini dəyişməklə ekoloji vəziyyətin yaxşılaşdırılmasında ictimaiyyətin rolunu artırmaqdır.
