Milli Hidrometeorologiya Xidmətinin proqnozuna əsasən, bu axşamdan etibarən ölkə ərazisində hava şəraitinin qeyri-sabit keçəcəyi, güclü külək, leysan yağışlar, şimşək və dağ çaylarında sel, daşqın təhlükəsi gözlənilir.
Shimal.News məlumat verir ki, Fövqəladə Hallar Nazirliyi əhaliyə müraciət edərək təhlükəsizlik qaydalarına əməl etməyə çağırıb. Qeyd olunub ki:
- Güclü külək zamanı yüngül tikililərdən, ağaclardan və elektrik naqillərindən uzaq durun;
- Yanğın təhlükəsinə qarşı diqqətli olun;
- Sel və daşqın riskli ərazilərdən uzaq durun, təhlükə zamanı yüksək yerlərə qalxın;
- İldırım zamanı elektrik cihazlarını şəbəkədən ayırın, telefonla danışmayın, hündür obyektlərdən və ağaclardan uzaq durun, avtomobildə isə hərəkəti dayandırın və şüşələri qaldıraraq təhlükənin keçməsini gözləyin.
