62 yaşlı kişi 9 gündür paytaxtın Sabunçu rayonu Kürdəxanı qəsəbəsində küçədə gecələyir.
Xezerxeber.az-ın məlumatına görə, əslən İsmayıllı rayonundan olduğunu bildirən Ağakərim ələkbərov deyir ki, ailəsindən 2010-cu ildən ayrılıb. Bir oğul, bir qız atasıdır. Şəkərli diabet xəstəliyindən əziyyət çəkən Ağakərim Ələkbərovun ayağı bu səbəbdən qanqren olub və Sabunçu Tibb Mərkəzində əməliyyat edilib. Qeydiyyat ünvanı olmadığından şəxsiyyət vəsiqəsini dəyişdirə bilmir. Elə buna görə də əlillik dərəcəsi təyinatında da problem yaranıb.
Kirayə pulunu ödəyə bilmədiyi üçün onu 9 gün əvvəl qaldığı mənzildən onu çıxarıblar.
Sakinlər deyirlər ki, Ağakərim dayı sakit təbiətli adamdır, onun bu günədək heç bir pis vərdişi olmayıb.
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin əməkdaşları 62 yaşlı Ağakərim Ələkbərovla bağlı prosesə cəlb ediliblər.
Vətəndaş aidiyyəti qurumlarla koordinasiyalı şəkildə əvvəlcə səhiyyə müəssisəsinə yerləşdirilib. Müayinə və qiymətləndirilmə prosedurları bitdikdən sonra isə o, Agentliyin müvafiq sosial xidmət müəssisəsinə yerləşdiriləcək. Burada ona mütəxəssislər tərəfindən sosial-məişət, sosial-hüquqi və digər sosial xidmətlər göstəriləcək.
Daha ətraflı videomaterialda.
