Şimalda artıq gicitkən bitkisinin yeyilməli vaxtı başlayıb. Bu barədə ShimalNews 29 mart tarixində məlumat verir.
Qədim zamanlardan yaz vaxtı yeyilən bitki növlərindən biri gicitkəndir. El arasında belə deyim var: “Gicitkən çıxdı, kasıb qışdan çıxdı”.
Bu bitki tam yetişmədən (bərkimədən) yığılır. Bəzi insanlar gövdəsini yarpaqdan təmizləyir və qabığını soyurlar. Digərləri isə əlcək qeyinib onu əzirlər ki, tikanları adamı yandırmasın.
Sonra gicitkən üzərinə duz səpilib, çörəyin və yaxud lavaşın arasına qoyularaq yeyilir. Eləcə də tavada üzərinə yumurta vurularaq bişirilir. Gövdəsindən, həmçinin qurudaraq ədviyyat kimi də istifadə etmək olar.
