Könüllülərin İsmayıllı rayonunun Basqal qəsəbəsində yerləşən kəlağayı emalatxanasına səfəri təşkil olunub.
Shimal.News məlumat veriri ki, səfər çərçivəsində gənclər ipək istehsalının mərhələləri ilə tanış olublar.
Onlara emalatxananın ustaları tərəfindən kəlağayının hazırlanma prosesi, müxtəlif naxışlama texnikaları göstərilib. Daha sonra gənclər yaradıcı prosesdə iştirak edərək kəlağayıların üzərinə naxış vurub və milli ornamentlərlə bəzədilmiş özəl kəlağayı nümunələri hazırlayıblar.
Tədbir Azərbaycan Kəlağayısı Günü münasibətilə “Regional İnkişaf” İctimai Birliyi tərəfindən “100 gün – 100 təşəbbüs” aksiyası çərçivəsində həyata keçirilib.
