Siyəzəndən olan əmək artist Elza Seyidcahanın (Elza Qasımova) deputatlığa namizədliyi yenidən müzakirələrə səbəb olub. ShimalNews xəbər verir ki, sosial şəbəkələrdə onun təbliğat kampaniyası üçün istifadə etdiyi şüarlardan biri (gəlirəm dəstələməyə) birmənalı qarşılanmayıb.
Bundan başqa Elza Seyidcahan rəqiblərinin ondan çəkindiyini bildirib:
“Mən sağlam rəqabət aparıram, amma görürəm ki, rəqiblərim mənimlə sağlam rəqabət aparmırlar. Onlar məndən qorxmaqlarını küçədə yapışdırılan şəkillərimi cırdırmaqla bildirillər”.
Qeyd edək ki, Elza Seyidcahan (Elza Qasımova) Milli Məclisinin VII çağırış deputatlarının seçilməsi üçün keçiriləcək növbədənkənar parlament seçkilərinə qatılıb. O, 23 saylı Nəsimi – Səbail seçki dairəsindən namizədliyini irəli sürüb.
Elza Nuru qızı Qasımova 7 iyul 1968-ci ildə Siyəzən şəhərində anadan olub. 1975-ci ildə Siyəzən şəhəri 1 saylı orta məktəbə daxil olub, 1977–1982-ci illərdə Sumqayıt şəhər 17 saylı orta məktəbdə təhsilini davam etdirmişdir. 1994–2000-ci illərdə Üzeyir Hacıbəyov adına Azərbaycan Dövlət Konservatoriyasının bəstəkarlıq fakültəsində professor, xalq artisti Arif Məlikovun sinfində təhsil almışdır.
