Fövqəladə Hallar Nazirliyinin Şimal və Şimal-qərb Regional mərkəzləri tərəfindən “Rabitə manqa komandirləri” kateqoriyaları üzrə mülki müdafiə kursları keçirilib. Bu barədə ShimalNews 1 avqust tarixində məlumat verir.
Mərkəzlərdə “Rabitə manqa komandirləri” kateqoriyaları üzrə mülki müdafiə kursları keçirilib. Burada əsas məqsəd fövqəladə hadisələrdən mühafizə sahəsində maarifləndirmə işinin aparılması, ilkin yanğınsöndürmə alət və avadanlıqlarından, fərdi və kollektiv mühafizə vasitələrindən istifadə qaydalarının öyrədilməsi, eləcə də kurs iştirakçılarının mülki müdafiə qüvvə və vasitələrinin idarə olunması üzrə bacarıqlarının təkmilləşdirilməsi olub.
Təlimdə fərdi və kollektiv mühafizə vasitələrindən istifadə, təxliyə planlarının düzgün hazırlanması, təbii və texnogen xarakterli fövqəladə hadisələr zamanı düzgün davranış qaydaları izah edilib, həmçinin mövzulara aid fotoslayd və videoçarxlar nümayiş etdirilib.
Sonda kursları müvəffəqiyyətlə başa vurmuş dinləyicilərə şəhadətnamələr təqdim edilib.
