FHN-in Şimal Regional Mərkəzi təlim keçirib. Bu barədə ShimalNews 5 aprel tarixində Fövqəladə Hallar Nazirliyinə istinadən məlumat verir.
Təlimlərdə FHN-in Mülki müdafiə qoşunlarının, Dövlət Yanğından Mühafizə, Xüsusi Riskli Xilasetmə və Kiçikhəcmli Gəmilərə Nəzarət və Sularda Xilasetmə Dövlət xidmətlərinin qüvvələri iştirak edib.
Tədbirin keçirilməsində məqsəd baş verə biləcək fövqəladə hadisələrlə mübarizə üzrə qarşılıqlı fəaliyyətin təşkili və fövqəladə halların nəticələrinin aradan qaldırılması ilə bağlı şəxsi heyətin peşəkar vərdişlərinin təkmilləşdirilməsi olub.
