Quba-Xaçmaz Regional Təhsil İdarəsi (RTİ) tabeliyində fəaliyyət göstərən ümumtəhsil müəssisələrinin direktorları üçün fövqəladə hallarla bağlı davranış qaydalarına dair maarifləndirmə aparılıb. Bu barədə ShimalNews 28 may tarixində Fövqəladə Hallar Nazirliyinə (FHN) istinadən məlumat verir.
İştirakçılara ölkəmiz üçün xarakterik olan fövqəladə hallar, onların təsnifatı, o cümlədən zəruri davranış qaydaları barədə ətraflı məlumat verilib. Eləcə də FHN-in “112” qaynar telefon xəttinin təyinatı izah olunub.
Sonda məktəblərdə maarifləndirmə işinin təşkili ilə əlaqədar geniş məlumat verilib. Mövzuya dair videoçarxların müşayiəti ilə interaktiv formada keçirilən tədbirlərdə suallar ətraflı cavablandırılıb.
