Fövqəladə Hallar Nazirliyinin (FHN) Şimal-qərb Regional Mərkəzi tərəfindən İsmayıllının sel təhlükəli kəndlərində maarifləndirmə tədbirləri keçirilib. Bu haqda ShimalNews 11 may tarixində xəbər verir.
Görüşlər sakinlər, o cümlədən ictimai iaşə obyektlərinin əməkdaşları və turistlərlə keçirilib. Onlara sel və daşqın təhlükəsindən qorunmağın yolları, bu təhlükə ilə üzləşdikdə davranış qaydaları barədə ətraflı məlumatlar verilib. Eləcə də mövzuya dair məlumatlandırıcı çap materialları paylanılıb.
