Zaqatala, Qax və Balakəndən olan fermerlər qarğıdalı biçinini dayandırıblar. Onlar satış qiymətinin aşağı olmasından narazıdırlar.
Fermerlərin sözlərinə görə, ötən il sahədən qarğıdalının kiloqramı 32-33 qəpiyə təhvil verildiyi halda, bu il qiymət qarğıdalı zavoda təhvil verilməklə 28-30 qəpik müəyyən olunub. Onların fikrincə, çəkilən xərclər bu qiymətlə ödənmir və fermerlərə qazanc qalmır.
Qarğıdalı məhsulu bölgədə əsasən Oğuz rayonunda yerləşən zavoda təhvil verilir. Qiymətləri də məhz həmin müəssisə tənzimləyir. Fermerlər bildirirlər ki, qiymət artımı olmadığı təqdirdə, gələn il qarğıdalı əkininə maraq azalacaq.
Fermerlərin narazılığı ilə bağlı zavodun nümayəndəsi Murad İbrahimli ilə görüş keçirilib.
Müəssisə rəsmisi etirazları dinləyib və qiymətlərə yenidən baxılacağını bildirib.
Ətraflı videomaterialda:
