Quba rayonunda yanğına məruz qalmış meşə fondunun bərpası davam edir. Bu barədə ShimalNews 5 noyabr tarixində Ekologiya və Təbii Sərvətlər Nazirliyinə istinadən məlumat verir.
“Yanğından yaşıllığa” kampaniyası çərçivəsində 3 hektar sahədə 350 kiloqram toxum səpilib.
Tədbir IDEA İctimai Birliyi və Ekologiya və Təbii Sərvətlər Nazirliyinin birgə təşkilatçılığı ilə həyata keçirilib.
Bölgənin torpaq-iqlim şəraitinə uyğun meşə təsərrüfatlarının tinglik sahələrində yetişdirilmiş palıd, fıstıq, vələs, ağcaqayın, qarağac, çinar, cökə, göyrüş, akasiya kimi müxtəlifcinsli ağacların əkilməsi, toxumların səpilməsi aparılır.
