Ekologiya və Təbii Sərvətlər Nazirliyi Dünya Qoruqlar və Milli Parklar Günü ilə əlaqədar Azərbaycanın milli parklarında “açıq qapı” günü elan edib. Bu barədə ShimalNews 9 yanvar tarixində nazirliyə istinadən məlumat verir.
Ziyarətçilər ödənişdən yanvarın 11-i azad olunacaqlar. Şimal bölgəsində Samur-Yalama Milli Parkı, Altıağac Milli Parkı və Şahdağ Milli Parkı mövcuddur. Burada biomüxtəlifliklər qorunub saxlanılır.
1917-ci il yanvarın 11-də dünyada ilk dəfə Rusiyada nadir heyvanların qorunması məqsədilə Baykal gölü üzərində Barquzin Dövlət Qoruğu yaradılıb. Həmin təqvim Dünya Vəhşi Təbiət Fondunun təşəbbüsü ilə 1997-ci ildən etibarən qeyd olunur.
