Daxili işlər naziri general-polkovnik Vilayət Eyvazov oktyabrın 6-7-də Şəki şəhərində vətəndaş qəbulu keçirib.
Shimal.News xəbər verir ki, qəbul zamanı Şəki, Balakən, Zaqatala, Qax, Oğuz və Qəbələ rayonlarından, eləcə də digər bölgələrdən gələn 263 vətəndaşın müraciəti dinlənilib.
Qəbuldan əvvəl Vilayət Eyvazov Şəkidə ümummilli lider Heydər Əliyevin abidəsini ziyarət edərək onun xatirəsini yad edib.
Vətəndaşların müraciətlərinin operativ və qanunvericiliyin tələblərinə uyğun həlli üçün Daxili İşlər Nazirliyinin aidiyyəti baş idarə və idarə rəislərinə tapşırıqlar verilib. Müraciətlərin böyük hissəsi yerindəcə həll olunub, digər məsələlər isə nəzarətə götürülüb.
Səfər çərçivəsində nazir polis və daxili qoşunlarda xidmət etmək istəyən gənclərin sıra baxışını da keçirib. Xidmətə qəbulun şərtlərinə cavab verən 258 nəfər seçim turunun növbəti mərhələsinə buraxılıb.
