1990-cı il 20 Yanvar faciəsindən öncə qatarla Rusiyaya gedən Vadim Badalyan adlı erməni Azərbaycan Milli Azadlıq Hərəkatının üzvləri tərəfindən Xaçmaz stansiyasında yaxalanır və istintaqa təhvil verilir.
Bizim.Media-nın məlumatına görə, Vadim terrorçularla birlikdə Qarabağda azərbaycanlıların qətlində iştirak edib.
Daşnakların tapşırıqlarını icra etdikdən sonra Bakıya dönür və evini yaxşı qiymətə satır. Rusiyaya qatarla gedəndə onunla bir vaqonda olan 3 azərbaycanlı qadını öldürmək istəyib.
Qadınlar özlərinə çay süzəndə onu da qonaq ediblər. Bu zaman qatar dayanıb və xanımlar nəsə almaq üçün aşağı eniblər. Vadim isə onların fincanına zəhər atarkən qadınların biri qayıdıb və bunu görüb. Bu hadisədən sonra V.Badalyan ifşa olunub.
