Qubada su qıtlığı araşdırmasını özündə cəmləşdirən iki günlük təlim baş tutub. Bu barədə ShimalNews 1 avqust tarixində “UNDP Azərbaycan”a istinadən xəbər verir.
“İqlim Dəyişikliyinə Milli Uyğunlaşma Planına dəstək” layihəsi çərçivəsində dövlət qurumlarının nümayəndələri tədbirdə iştirak ediblər. Eləcə də iştirakçılar Meyvəçilik və Çayçılıq Elmi-Tədqiqat İnstitutuna və Hidrometeorologiya Mərkəzinə baş çəkiblər.
Daha sonra Qadın Resurs Mərkəzində iqlim dəyişmələrinin qadınların və kişilərin həyatlarına təsiri haqqında izahatlar verilib.
Layihə Ekologiya və Təbii Sərvətlər Nazirliyi və Yaşıl İqlim Fondunun dəstəyi ilə həyata keçirilib.
