“Dost Evi”ndə könüllü kimi fəaliyyət göstərmək istəyən İsmayıllı Dövlət Humanitar və Texnologiya Kollecinin tələbələri üçün mərkəzdə müsahibə mərhələsi baş tutub. Bu haqda ShimalNews 18 aprel tarixində məlumat verir.
İsmayıllıda fəaliyyətə başlayan “Dost Evi” yaradıcılıq, sərgi və satış mərkəzi bölgədə yeni iş yerlərinin yaradılmasına, məşğulluq və gəlir imkanlarının artırılmasına xidmət edəcək.
Burada milli sənətkarlıq nümunələrinin istehsalı ənənəsinin inkişaf etdirilməsinə, milli mədəniyyətimizin təbliğinə və bölgədə turizm imkanlarının genişlənməsinə dəstək veriləcək.
