İsmayıllı rayonunda əmək yarmarkası keçiriləcək. Bu haqda ShimalNews 6 may tarixində məlumat verir.
Tədbir “Basqal Resort & SPA”, “İsmayilli Resort Hotel” və “Zəngəzur Co” MMC-nin birgə təşkilatçılığı ilə baş tutacaq. Yarmarkada “Basqal” İstirahət Kompleksi tərəfindən 44 vakansiya, “İsmayilli Resort Company” tərəfindən 21 vakansiya, “Zəngəzur Co” MMC tərəfindən 32 vakansiyanın çıxarılması nəzərdə tutulub.
Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.
Tədbir 7, 8 və 10 may tarixlərində saat 10:00-da Heydər Əliyev parkında (Dağlıq Şirvan RMF, İsmayıllı rayon xidmət şöbəsi) baş tutacaq.
