Daxili işlər naziri Quba rayonunda vətəndaş qəbulu və sıra baxışı keçirib. Bu haqda ShimalNews 18 iyul tarixində məlumat verir.
General-polkovnik Vilayət Eyvazov iyulun 17-də və 18-də Rayon Polis Şöbəsində vətəndaşlarla görüşüb. Qəbula gələn Quba, Qusar, Xaçmaz, Şabran, Siyəzən, Xızı şəhər və rayonlarından 296 vətəndaşın müraciətini dinləyən nazir onların problemlərinin həlli üçün tapşırıqlar verib.
Səfər çərçivəsində nazir bölgə üzrə polis orqanlarında sıravi və kiçik rəis heyətinə xidmətə qəbulla bağlı sıra baxışı keçirib. 24 Vətən müharibəsi iştirakçısının da qatıldığı sıra baxışında 180 nəfər seçim turunun növbəti mərhələsinə buraxılıb.
