Dövlət İmtahan Mərkəzi (DİM) xanımlar üçün vakansiyalar elan edib.
Shimal.News xəbər verir ki, Mərkəz imtahan binalarına buraxılış rejimini həyata keçirən xanım əməkdaşların cəlb olunması məqsədilə namizədlərin elektron qeydiyyatına başlayıb.
Qeydiyyatdan keçmək üçün Azərbaycan Respublikasının vətəndaşı olan, məhkumluğu olmayan, ali və ya orta ixtisas təhsilli, tabeliyindən və mülkiyyət növündən asılı olmayaraq hər hansı bir təşkilatda hal-hazırda rəsmi işləyən (və ya iş yerinin olub-olmamasından asılı olmayaraq pedaqoji profilli ixtisaslar üzrə bakalavr ixtisas dərəcəsi olanlar), yaşı 21-40 arasında olan, həmçinin fiziki və psixoloji cəhətdən sağlam olan qadın əməkdaşlar müraciət edə bilərlər.
Bunun üçün ilk olaraq namizədlər Dövlət İmtahan Mərkəzinin dim.gov.az səhifəsinə daxil olaraq “Şəxsi kabinet”ə keçid etməli və yeni şəxsi kabinet (Öncədən şəxsi kabineti olan şəxslər həmin kabinetin parolundan istifadə etməlidir) yaradılmalıdır. Daha sonra buradan qeydiyyatdan keçməlidirlər. Qeydiyyat və müsahibə mərhələsi ödənişsizdir.
Namizədlər qeydiyyatdan keçdikdən sonra təsdiq olunmuş qeydiyyat vərəqini çap edərək imzalamalı və aşağıdakı sənədləri də əlavə edərək e-poçtuna və ya mobil telefon nömrəsinə göndərilən bildirişdə qeyd olunan tarixdə Bakı şəhəri üzrə DİM-in baş ofisinə (Ak.Həsən Əliyev küçəsi 299), və ya DİM-in Xaçmaz Regional Bölməsinə şəxsən müraciət etməlidirlər.
Qeydiyyat 20 noyabr 2024-cü il saat 10:00-dək davam edəcək.
Elektron qeydiyyatla bağlı suallarınız yaranarsa, Mərkəzin baş ofisinə (Çağrı mərkəzi 1653 ) və ya (023) 325-01-21 müraciət edə bilərsiniz.
Buraxılış rejimini aparan əməkdaşa dair tələblər və onun vəzifələri
