İki aydan çoxdur dənizdə batdığı ehtimal edilən Tural Sultanovun axtarışları davam edir.
Shimal.News xəbər verir ki, bu barədə FHN-in Mətbuat Xidmətinin məlumatında bildirilib.
Qurumdan bildirilib ki, bu il 27 sentyabr tarixində dənizdə batdığı ehtimal olunan 1992-ci il təvəllüdlü Sultanov Tural Hüseynağa oğlu Sultanovun axtarışları davam etdirilir.
Axtarışlar FHN-in Aviasiya dəstəsinin helikopteri, Kiçikhəcmli Gəmilərə Nəzarət və Sularda Xilasetmə Dövlət Xidmətinin, Xüsusi Riskli Xilasetmə Xidmətinin qüvvələri tərəfindən həyata keçirilir.
Əlavə məlumat veriləcək.
Qeyd edək ki, Tural Sultanov Quba Rayon Mərkəzi Xəstəxanasının həkim-kardioloqu Hüseynağa Sultanovun oğludur. Çalışdığı gəmidə itkin düşən Tural da atası kimi
həkim olub. Gəmi ilə yanaşı özəl klinkada həkim kimi fəaliyyət göstərib. O, sonuncu dəfə sentyabrda ailəsi ilə danışıb və oktyabrda geri dönəcəyini bildirib.
