Şimal bölgəsində oduncaq tədarükü ilə əlaqədar ictimai dinləmələr keçiriləcək. Bu barədə ShimalNews 2 iyun tarixində Ekologiya və Təbii Sərvətlər Nazirliyinin səhifəsinə istinadən məlumat verir.
Dinləmələrin baş tutacağı və qırma işləri aparılacağı rayonlar və digər təfərrüatlar aşağıda təqdim olunur:
Quba rayonunun Çiçi kəndi saat 10:00,
Qırma sahəsi: Quba Regional Meşə Təsərrüfatı Mərkəzinin Çiçi meşəbəyliyinin 4-cü dolayının 59-cu kvartalı;
Qusar rayonunun Avaran kəndi saat 14:00,
Qırma sahəsi: Quba Regional Meşə Təsərrüfatı Mərkəzinin Qusar meşəbəyliyinin 15-ci dolayının 81 və 82-ci kvartalları;
Xaçmaz rayonunun Müzəffəroba kəndi saat 17:00,
Qırma sahəsi: Quba Regional Meşə Təsərrüfatı Mərkəzinin Xaçmaz meşəbəyliyinin 1-ci dolayının 22 və 23-cü kvartalları.
