İsmayıllı rayonunda gənclər üçün təşkil edilən “Dağlarda tap” layihəsi baş tutub.
ShimalNews xəbər verir ki, təlimçi Şahlar Mirzalıyev tərəfindən gənclərə meşəlik və dağlıq ərazilərdə necə hərəkət edilməsi haqqında ətraflı məlumat verilib. Layihı çərçəvəsində gənclər qruplara bölünərək müxtəlif oyunlarda iştirak ediblər. Sonda qalib komandalar kubok və medallarla təltif ediliblər.
“Dağlarda tap” Azərbaycan Respublikasının Gənclər Fondunun elan etdiyi "İdeyanı reallaşdır - 2023" Gənclərin Fərdi Layihələri üzrə Qrant Müsabiqəsinin qalibi Nəriman Əzimzadənin layihəsidir və GİKM-in Dağlıq Şirvan regional nümayəndəliyinin tərəfdaşlığı ilə həyata keçirilib.
