Çiyələk yetişdirilməsi ilə bağlı sosial şəbəkələrdə yayılan görüntülər müzakirələrə səbəb olub.
"Xəzər Xəbər"in məlumatına görə, kadrlarda bəzi istehsalçıların məhsulun tez yetişməsi üçün müxtəlif dərman preparatlardan istifadə etdiyi iddia edilsə də, Şəki və digər bölgələrdən olan fermerlər bu məlumatı inkar edirlər. Onların sözlərinə görə, kənd təsərrüfatında yalnız aqrotexniki qaydalara uyğun gübrə və vasitələrdən istifadə olunur.
Mütəxəssislər qeyd edirlər ki, çiyələyin keyfiyyətli yetişməsi üçün əsas amillər düzgün suvarma, balanslı gübrələmə və iqlim şəraitinə uyğun qulluqdur. Bununla yanaşı, təsdiqlənməmiş və normadan artıq kimyəvi maddələrin istifadəsinin həm məhsulun keyfiyyətinə, həm də insan sağlamlığına zərər verə biləcəyi vurğulanır.
İstehlakçılara isə məhsul seçərkən diqqətli olmaları, xüsusilə qeyri-mövsümi və həddindən artıq iri görünüşlü çiyələklərə qarşı ehtiyatlı yanaşmaları tövsiyə olunur.
