Avqustun 15-16-da ölkə ərazisində intensiv yağışlar nəticəsində sel sularının Quba, Şabran, Siyəzən və Kürdəmir rayonlarında ziyan vurduğu qəzalı evlər yenidən inşa olunacaq.
Shimal.News xəbər verir ki, Quba və Şabranda qəzalı vəziyyətdə olan fərdi yaşayış evlərinin tikintisinə başlanılır.
Həmin vaxt yaranmış sel sularının ziyan vurduğu Quba və Şabran rayonlarında qəzalı vəziyyətdə olan fərdi yaşayış evlərinin tikintisi 2 milyon 239 min manata başa gələcək. Tikintisi həyata keçiriləcək evlərin sayı açıqlanmayıb.
Siyəzən və Kürdəmirdə isə evlərin tikintisinə 1 milyon 700 min manat vəsait sərf olunacaq. Bu rayonlarda da tikintisi həyata keçiriləcək evlərin sayı açıqlanmayıb.
Qeyd edək ki, təbii və texnogen qəzalar nəticəsində zərər çəkmiş ərazilərdə, bina və qurğularda bərpa və yenidənqurma işlərinin təşkili, bu işlərlə bağlı sifarişçi funksiyasının yerinə yetirilməsi Agentliyin vəzifələrindən biridir.
