Novruz bayramı ərəfəsində Xaçmaz şəhərinin Heydər Əliyev prospektində yerləşən Şəxsiyyətlər parkı tamamilə yenilənərək sakinlərin istifadəsinə verilib.
Shimal.News xəbər verir ki, yeni görkəm alan parkda bu gün, saat 11:00-da təntənəli açılış mərasimi, Novruz sərgisi və bayram konserti keçiriləcək.
Hazırda konserti üçün son hazırlıq işləri görülür. Sakinlər və qonaqlar tədbirə dəvətlidirlər.
Qeyd edək ki, park müasir standartlara uyğun olaraq yenidən qurulub - ərazidə yeni dekorativ ağaclar və gül kolları əkilib, rahatlıq üçün oturacaqlar yerləşdirilib. Həmçinin velosiped həvəskarları üçün xüsusi zolaqlar ayrılıb, piyada keçidləri salınıb və gecə işıqlandırma sistemi quraşdırılıb.
