Siyəzən rayonundan olan şəhidimiz Röyal Qurbanovun mövludu qeyd olunur.
Qəhrəmanımız Beşdam kəndində 21 avqust 2001-ci ildə anadan olub. Kənd orta məktəbində təhsilini almışdır. 2019-cu il oktyabr ayında həqiqi hərbi xidmətə çağırılaraq xüsusi təyinatlı dəstənin kəşfiyyat bölüyündə xidmət etmişdir. Daha sonra Azərbaycan Respublikasının ərazi bütövlüyü uğrunda 27 sentyabr 2020-ci il tarixindən başlayan Vətən müharibəsində Suqovuşanın azad edilməsində şücaət göstərmiş, oktyabrın 5-də Cəbrayıl istiqamətində gedən döyüşlərdə həlak olmuşdur.
Prezident İlham Əliyevin Sərəncamına əsasən Röyal Qurbanov ölümündən sonra "Vətən uğrunda" medalı, "Cəsur döyüşçü" medalı və "Cəbrayılın azad olunmasına görə" medalı ilə təltif olunmuşdur.
