Milli Məclisi VI çağırış deputatı Müşfiq Məmmədli bir daha vəzifəyə gələcəyi gözlənilir.
ShimalNews xəbər verir ki, M.Məmmədli 55 saylı Siyəzən-Quba-Xızı seçki dairəsindən namizədliyini irəli sürüb. Seçkilərin ilkin nəticələrinə görə o, 10549 səs (59,8 faiz) toplayıb. Həmin dairədən deputatlığa liderdir.
O, 1972-ci il avqustun 1-də Sumqayıt şəhərində anadan olub. Azərbaycan Dövlət Tibb Universitetinin Pediatriya fakültəsini bitirib, Sankt-Peterburq Dövlət İqtisad Universitetinin Ali İqtisad Məktəbində MBA proqramı çərçivəsində Səhiyyə təşkilatlarının menecmenti ixtisasına yiyələnib.
Sumqayıt Şəhər Uşaq Xəstəxanasında internatura keçdikdən sonra 1997–2000-ci illərdə qəbul şöbəsinin həkimi vəzifəsində işləyib. 2000– 2003-cü illərdə Türkiyənin İstanbul şəhərində Bəylərbəyi Sağlıq Sarayının, daha sonra Bayramoğlu Bələdiyyə Xəstəxanasının həkim-pediatrı olub. 2004–2006-cı illərdə Azərbaycan Respublikası Müdafiə Nazirliyi N saylı hərbi hissəsinin tibb məntəqəsinin həkimi, daha sonra rəisi, 2006–2008-ci illərdə Sumqayıt şəhərində Təcili və Təxirəsalınmaz Tibbi Yardım Stansiyasının həkim-pediatrı, 2008–2015-ci illərdə Sumqayıt Şəhər Uşaq Xəstəxanasının həkim-pediatrı, 2015–2016-cı illərdə pediatriya şöbəsinin müdiri vəzifələrində çalışıb. 2016-cı ildən Sumqayıt Şəhər Uşaq Xəstəxanasının baş həkimidir.
Hazırda M.Məmmədli Yeni Azərbaycan Partiyasının, Milli Məclisin Səhiyyə komitəsinin, Elm və təhsil komitəsinin üzvüdür. Həmçinin Azərbaycan-Braziliya parlamentlərarası əlaqələr üzrə işçi qrupunun rəhbəri, Çin, Finlandiya, İraq, Qazaxıstan, Monteneqro, Özbəkistan, Türkiyə, Ukrayna parlamentləri ilə əlaqələr üzrə işçi qruplarının üzvüdür.
Evlidir, 3 övladı var.
