Balakən rayonunun ərazisindən keçən İnterçayda sel müşahidə olunub.
Shimal.News xəbər verir ki, mənbəyini Gürcüstandan götürən çay rayonun Şərif kəndi ərazisindən axır.
Son günlər yağıntıların artması nəticəsində İnterçayın səviyyəsində kəskin artım qeydə alınıb. Nəticədə, çayın Şərif kəndindən keçən hissəsində sululuq artıb və bu da ətraf ərazilərdə subasma təhlükəsi yaradıb.
Hazırda idarənin texnikaları fəsadların aradan qaldırılması istiqamətində işlər aparır.
