Balakəndə minik avtomobili elektrik dirəyinə çırpılıb və alışıb, xəsarət alanlar var.
Apa.az-ın məlumatına görə, hadisə gecə saat 02:00 radələrində Qabaqçöl qəsəbəsinin Şərif kəndi inzibati ərazisində qeydə alınıb.
Rayon sakini 34 yaşlı Şamil Hizbullah oğlu Əliyev idarə etdiyi “BMW” markalı minik avtomobili idarəetməni itirib və qəza baş verib. Nəticədə sürücü və avtomobildə olan sərnişin 32 yaşlı Hacyov Rafael oğlu Herayev xəsarət alıblar. Onlar yaxınlıqda olan sakinlər tərəfindən avtomobildən çıxarılaraq Balakən Rayon Mərkəzi Xəstəxanasının (RMX) Təcili Tibbi Yardım şöbəsinə aparılıblar.
Faktla bağlı araşdırma aparılır.
