Xaricdən gələn azərbaycanlı həkimlər Quba Rayon Mərkəzi Xəstəxanasının (RMX) fəaliyyəti ilə tanış olublar. Bu haqda 20 iyun tarixində ShimalNews adıçəkilən xəstəxanaya istinadən məlumat verir.
Dünyadakı Azərbaycanlı Təbiblərin Simpoziumunda iştirak üçün xaricdən gələn azərbaycanlı təbiblərə ilk olaraq, RMX fəaliyyətini əks etdirən videorolik nümayiş etdirilib. Simpoziumun işgüzar proqramı çərçivəsində “Xəstəliklərin müalicəsində yeni yanaşmalar”, “Tibb sahəsində multisiplinar yanaşmalar”, “Ana və uşaq sağlamlığına strateji yanaşma” panel müzakirələri təşkil edilib.
Tədbirdə TƏBİB-nin İcraçı direktorunun müavini Anar İsrafilov, bölgədə fəaliyyət göstərən səhiyyə qurumlarının rəhbərləri və həkimləri, xaricdə yaşayan və çalışan həkimlər iştirak ediblər.
