Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) keçiriləcək.
“Musavat”-ın məlumatına görə, noyabr ayının 11-22 tarixlərində baş tutacaq beynəlxalq tədbirin keçirilməsi Bakının müxtəlif istiqamətlərində planlaşdırılıb.
Bununla əlaqədar 11 və 12 noyabr qeyri-iş günü elan olunacaq. Həmin günlər dünyanın bir çox dövlət başçları Bakıda olacaq. Bu böyük tədbirdə ümumilikdə 40.000 insanın iştirakı gözlənilir. Onlardan da 4000-i media mənsubları olacaq.
Beləliklə, şənbə və bazar günü ilə birlikdə 9-10-11-12 noyabr günlərində iş olmayacaq. Bu səbəbdən də bir çox Bakı sakinləri qısa tətilə çıxaraq, paytaxtı tərk edə biləcəklər. Təşkilatçıların da məqsədi zatən budur - COP 29 günlərində Bakı şəhəri mümkün boşalmış olsun.
Onu da qeyd edək ki, Azərbaycanda 12 noyabr eyni zamanda Konstitusiya günüdür ki, həmin gün də ölkədə qeyri-iş günü olur.
