Pakistan Azərbaycana ət ixracına başlamaq üçün rəsmi icazə alıb və tədarükün operativ şəkildə həyata keçirilməsi məqsədilə yaxın vaxtlarda yerli idxal şirkətləri ilə əməkdaşlıq qurmağı planlaşdırır. Bu barədə Pakistanın Ticarətin İnkişafı İdarəsi (TDAP) məlumat yayıb.
Qeyd edək ki, şimal rayonlarında ətin kiloqram qiyməti hazırda 15-19 manat arasında dəyişir. Bəs görəsən, Pakistanın Azərbaycana ət ixracına başlaması qiymətlərə necə təsir göstərə bilər?
Məsələ ilə bağlı Shimal.News-a açıqlama verən iqtisadçı-ekspert Xalid Kərimlinin sözlərinə görə, qiymətlərə təsir əsasən idxal olunacaq ətin həcmi ilə bağlı olacaq.
“Bazarda qiymətlərin enməsi üçün təkcə yeni ölkədən idxal kifayət etmir. Əsas məsələ ümumi təklifin artmasıdır. Yəni, Pakistandan ət alıb, Monqolustandan, Rusiyadan və ya Ukraynadan ət idxalı azalarsa, bazarda ciddi bolluq yaranmayacaq. Bu halda da qiymətlərdə nəzərəçarpacaq dəyişiklik gözlənilmir”,- deyə ekspert bildirib.
Ətraflı videomaterialda:
