Qusarda qida təhlükəsizliyinin təmin olunması və istehlakçı hüquqlarının müdafiəsi sahəsində yoxlamalar keçirilib. Bu haqda Shimal.news 7 aprel tarixində Qida Təhlükəsizliyi Agentliyinə (AQTA) istinadən xəbər verir.
Monitorinq çərçivəsində Qusar şəhərinin T.İsmayılov küçəsində fəaliyyət göstərən “Sevimli” ərzaq satışı mağazasında planlı yoxlama həyata keçirilib.
Nəticədə yararlılıq müddəti bitmiş məhsulların satışının həyata keçirildiyi, malların üzərindəki etiket məlumatlarının Azərbaycan dilinə tərcüməsi olmadığı, müvafiq təmizlik işlərinin aparılmadığı, həmçinin işçilərin ilkin və dövri tibbi müayinədən keçmədiyi məlum olub.
Faktla bağlı qanunvericiliyə uyğun olaraq, sahibkar Rubət Xanəhmədov barəsində protokol tərtib edilib. Eyni zamanda saxlanma müddəti bitmiş məhsulların məhv edilməsinə dair qərar qəbul olunub.
