Quba rayonunda dabaq və xırdabuynuzlu heyvanların taunu xəstəlikləri üzrə assosiativ simulyasiya məşqləri keçiriləcək. Bu haqda ShimalNews 28 iyun tarixində Azərbaycan Qida Təhlükəsizliyi Agentliyinə (AQTA) istinadən məlumat verir.
Simulyasiya təlimlərinin keçirilməsi epizootik böhran vəziyyətlərinə Azərbaycanın hazırlığının artırılması ilə yanaşı, əldə edilmiş təcrübənin region ölkələrinə çatdırılması məqsədini daşıyır.
Səyyar laboratoriyalar Azərbaycan Qida Təhlükəsizliyi İnstitutu tərəfindən simulyasiya keçiriləcək ərazidə quraşdırılacaq. Ətraf təbiət sahələrində müşahidələrin aparılması üçün dron tipli videokameralardan istifadə ediləcək.
Simulyasiya təlimlərində Kənd Təsərrüfatı, Fövqəladə Hallar, Ekologiya və Təbii Sərvətlər və Daxili İşlər nazirliklərinin aidiyyəti qurumlarının nümayəndələri iştirak edəcəklər.
