Xaçmaz və İsmayıllıda qablaşdırılmış içməli sularla bağlı nəzarət tədbirləri keçirilib. Bu barədə ShimalNew 12 iyul tarixində AQTA-ya istinadən məlumat verir.
Yoxlamalar zamanı uyğunsuzluq aşkar edilən ticarət markaları aşağıda göstərilib.
"AzNar" QSC-nın "Aria" əmtəə nişanı. Mikrobioloji göstəricilərdə uyğunsuzluq aşkar edilib. Suyun mənbəyi İsmayıllı rayonundakı "Nar Bulaq" artezian quyusu olduğu halda, üzərində dağ şəkli göstərilərək dağ suyu təəssüratı yaradır.
"İpək Su" MMC-nin "İpək Su" əmtəə nişanı. Suyun mənbəyi "Xaçmaz rayonu artezian suyu" olduğu halda, üzərində "bulaq suyu" qeyd edilib.
Nöqsanlarla bağlı hər bir sahibkar barəsində protokol tərtib edilib. Həmin məhsulların emalı və satışı dayandırılıb, qanunvericiliyin tələblərinə uyğun olmayan etiketlərin istifadəsi qadağan olunub və həmin etiketlər məhv edilib. Eyni zamanda məhsulların etiketlənməsinin qanunvericiliyin tələblərinə uyğunlaşdırılması ilə bağlı sahibkarlara icrası məcburi göstərişlər verilib.
