Aqrar Xidmətlər Agentliyinin sədri Sərdar Hacıyev Qusarda vətəndaş qəbulu keçirəcək.
Shimal.News xəbər verir ki, sakinlərlə görüş oktyabrın 4-də, saat 10:00-da Qusar Dövlət Aqrar İnkişaf Mərkəzinin inzibati binasında təşkil ediləcək.
Qəbul zamanı vətəndaşların Kənd Təsərrüfatı Nazirliyinin səlahiyyət dairəsinə aid məsələlərlə bağlı müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Vətəndaş qəbulunda iştirak etmək istəyən şəxslər Kənd Təsərrüfatı Nazirliyinin “Çağrı Mərkəzi”nə (1652) və Qusar Dövlət Aqrar İnkişaf Mərkəzinə (050-887-77-65) zəng etməklə qeydiyyatdan keçə bilərlər.
Qəbula gələn vətəndaşlar əvvəlcədən qeydiyyatdan keçməli və şəxsiyyətlərini təsdiq edən sənədləri özləri ilə gətirməlidirlər.
