Respublika Təcili və Təxirəsalınmaz Tibbi Yardım Mərkəzi regionlarda vakansiyalar elan edib.
Shimal.News xəbər verir ki, Xaçmaz, İsmayıllı və Quba rayonlarında Təcili və təxirəsalınmaz tibbi yardım həkimi vəzifələri üzrə boş iş yerləri mövcuddur.
Vəzifələrə dair tələblər:
- Ali tibb təhsili;
- qüvvədə olan sertifikasiya şəhadətnaməsi;
- BLS və ALS proqramları üzrə sertifikatların olması arzuolunandır.
Sahə üzrə staj tələb edilmir.
Tələb olunan sənədlər:
- şəxsiyyəti təsdiq edən sənədin surəti;
- əsas (baza ali) tibb təhsili haqqında sənədin surəti (diplom), xaricdə təhsil almış namizədlərin ali tibbi təhsil sahəsində ixtisasları Azərbaycan Respublikasında ekvivalentliyi müəyyən edilməklə (nostrifikasiya olunmaqla);
- xarici dövlətlərdə təhsil alan şəxslər üçün işə buraxılma haqqında şəhadətnamənin surəti (namizədin işə qəbulunun rəsmiləşdirilməsi zamanı tələb olunacaq);
- sertifikasiya şəhadətnaməsinin surəti (sertifikasiyadan keçməkdən qanunvericiliklə nəzərdə tutulmuş azadolma halları istisna olmaqla).
Müraciət qaydası
- CV [email protected] ünvanına göndərilməlidir
- Mövzu sətrində müraciət etdiyiniz vəzifənin adı və iş yeri (TTY üzrə həkim-müvafiq rayonun adı) qeyd olunmalıdır.
