Xalq artisti Alim Qasımov həyat yoldaşı Tamilla xanımla tanışlığından danışıb.
Aynur Xəlilovanın "YouTube” kanalında yayımlanan "Hərşeyşünas” podkastında məşhur sənətkar proqramda şəxsi həyatından söz açıb:
"Atam, anam, bir də bir Gülüzər xanım vardı, bir gün çağırdılar məni ki, öyüd versinlər, Tamillanı almayım. Dedilər ki, onlar bakılıdırlar, biz isə kəndçiyik. Mən də dedim ki, hə, yaxşı, bitdi. Heç evlənmək haqqında fikirləşmirdim, elə xəyalımda yaşadırdım. Nə pul, nə iş, nə də ev var. Həmin gün gəldim oturdum poçtun qabağında, cibimdə 5 manat yox idi. Gördüm, Tamilla gedir.
Yanaşı addımladım, gördüm mənə qoşulub gəlir, amma deyə də bilmirəm ki, heç nəyim yoxdur. Utandım deməyə ki, bu söhbəti saxlayaq sonraya, çünki ağzımdan söz çıxıb. Bir sözlə, çıxdılar bunu axtarmağa. Anası da çox mərd qadın idi. Bu da ailəsinə deyib ki, qorxduğum üçün deyə Alimə qoşulub gəldim. Dedim evdə bir sillə yeyəcəkdin də, adam da istəmədiyi adamla qoşulub gedər qorxudan? Uşaqlıqdan beləyəm, ağlıma nə gəldi eləyirdim. Amma it kimi qorxurdum ki, qardaşları gəlib döyər məni”.
