Ağsu rayonu Uşaq-Gənclər İdman-Şahmat məktəbində Dağlıq Şirvan Regional Gənclər və İdman İdarəsinin rayon üzrə gənclər və idman sektorunun və rayonun UGİŞM-in birgə təşkilatçılığı ilə "Aprel döyüşləri" şəhidlərinin xatirəsinə həsr olunmuş məktəblilər arasında şahmat üzrə rayon turniri keçirilib.
Yarışın açılışında torpaqlarımızın azadlığı uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib, "Aprel döyüşləri"nin tarixi əhəmiyyəti və turnirin keçirilməsinin məqsədi barədə iştirakçılara ətraflı məlumatlar verilib.
Turnirdə I, II və III yerləri tutmuş idmançılar Dağlıq Şirvan Regional Gənclər və İdman İdarəsinin diplomları ilə mükafatlandırılıb. Yarışın keçirilməsində məqsəd əlamətdar günlərin qeyd olunması, gənclər arasında vətənpərvərlik ruhunun yüksəldilməsi və onların şahmata olan marağın artırılması olub.
