ADPU-nun Quba filialında "Abituriyentə dəstək Mərkəzi" yaradılıb. Bu barədə ShimalNews 16 avqust tarixində təhsil ocağına istinadən məlumat verir.
Mərkəzin yaradılmasında məqsəd abituriyentlərin ixtisas seçiminə köməklik göstərilməsidir. Burada "Elektron ixtisas seçimi ərizəsi"nin doldurulma və təsdiq edilmə qaydası, ixtisas seçimi zamanı diqqət edilməli olan məsələlərdə abituriyentlərə köməklik ediləcək. Bundan əlavə universitetdə kadr hazırlığı həyata keçirilən bütün ixtisaslar haqqında ətraflı məlumat veriləcək.
Mərkəz 16 avqustdan etibarən Quba filialının I tədris binasında, İKT otağında saat 10:00-dan 17:00-a qədər fəaliyyət göstərəcək.
Ətraflı məlumat üçün (023) 33 5 20 92 və (050) 497 12 62 nömrələri ilə əlaqə saxlamaq olar.
