Lokal xarakterli antiterror tədbirləri çərçivəsində şəhid olmuş və yaralanmış hərbçilərimizlə bağlı Azərbaycan Banklar Assosiasiyasının (ABA) qərarı açıqlanıb. Bu haqda ShimalNews-a 28 sentyabr tarixində qurumdan məlumat verilib.
ABA-nın Rəyasət Heyətinin iclasında aşağıdakılar qəbul edilib:
- şəhid olmuş hərbçilərimizin banklarda olan bütün növ kredit öhdəlikləri, onlara hesablanmış faizlər və digər ödəmələr tam həcmdə silinsin;
- yaralanmış hərbçilərimizin banklara olan kredit öhdəliklərinə 19 sentyabr 2023-cü il tarixindən 31 dekabr 2023-cü il tarixinə olan dövr ərzində hesablanan faizlər və digər ödəmələr bankların hesabına silinsin.
