Xaçmazda zəhərlənən və sonra həyatını itirən tələbə barədə bəzi detallar məlum olub.
Shimal.News xəbər verir ki, rayon sakini, 25 yaşlı Balabacı Manafova ailəsi ilə birlikdə kirayədə yaşadığı mənzildə dəm qazından zəhərlənib. O, ağır vəziyyətdə Xaçmaz Rayon Mərkəzi Xəstəxanasına çatdırılıb.
Tibbi yardım göstərildikdən sonra paytaxtdakı Toksikologiya mərkəzinə aparılıb. Göstərilən tibbi müdaxilələrə baxmayaraq, B.Manafova vəfat edib.
