Bir aya yaxındır ki, Xaçmaz şəhərində mənzillər su ilə təmin edilmir. Bu barədə ShimalNews 8 iyun tarixində məlumat verir.
Sakinlər bildirirlər ki, quyu suyundan istifadə etməyə məcbur olublar. Bu isə avadanlıqların ərp bağlayıb sıradan çıxmasına gətirib çıxarır:
“Fərq eləmir, ucuz, yaxud bahalı kran qoyasan. Hamısı xarab olur. İçməyə suyu alıb, evə gətiririk. Bu çətinliyi həll eləmirlər. Bilmirik, niyə sayğaclardan istifadə edilmir ki, bəzi yerlərdə israfçılığın qarşısı alınsın”, - deyə sakin bildirib.
