Zaqatalada minik avtomobilinin TIR-la toqquşması nəticəsində 2 nəfər xəsarət alıb.
Qəza bu gün saat 12:00 radələrində Əliabad qəsəbəsində baş verib.
Bakı istiqamətində hərəkətdə olan Türkiyəyə məxsus iritonnajlı yük avtomobili ilə "Chevrolet Niva" markalı maşın toqquşub.
Toqquşmadan sonra minik avtomobili yoldan çıxaraq aşıb. Qəza nəticəsində nəqliyyat vasitəsində olan olan 32 yaşlı Məhəmməd Mahmudov və 58 yaşlı Şamil Dadayev xəsarət alıb. Hər iki şəxs xəstəxanaya yerləşdirilib. Müalicələri davam etdirilir.
Məlumata görə, xəsarət alan şəxslər Kənd Təsərrüfatı Nazirliyi yanında Dövlət Baytarlıq Xidmətinin Zaqatala Rayon Baytarlıq Epidemiologiya İdarəsinin əməkdaşlarıdır.
Qəzaya düşən "Chevrolet Niva"nın da idarənin xidməti avtomobili olduğu bildirilir.
Faktla bağlı araşdırma aparılır.
Mənbə: Lent.az
